ਮੈਂ ਉਹਨੂੰ ਕੀ ਆਖਾਂ ਉਹ ਬੱਦਲਾਂ ਓਹਲੇ ਛੁੱਪ ਜਾਵੇ
ਜਦੋਂ ਉਹ ਵੇੰਹਦਾ ਮੇਰਾ ਆਉਂਦਾ ਸਾਹ ਵੀ ਰੁੱਕ ਜਾਵੇ
ਉਹ ਗੱਲਾਂ ਗੱਲਾਂ ਵਿੱਚ ਮੋਹ ਲੈਂਦਾ ਉਹਨੂੰ ਜਾਂਚ ਕੁੜੇ
ਉਹਦਿਆਂ ਨੈਣਾਂ ਦੇ ਵਿੱਚ ਮੈਂ ਤਾਂ ਗਈ ਗਵਾਚ ਕੁੜੇ
ਹੋ ਮੇਰੇ ਬਾਗ਼ ਦਾ ਤੋਤਾ ਬਣਕੇ ਅੰਬੀਆਂ ਟੁੱਕ ਜਾਵੇ
ਜਦੋਂ ਉਹ ਵੇੰਹਦਾ ਮੇਰਾ ਆਉਂਦਾ ਸਾਹ ਵੀ ਰੁੱਕ ਜਾਵੇ

ਹੋ ਆਕੜ ਵਿੱਚ ਰਵੇ ਪਰ ਮਸ਼ਕਰੀਆਂ ਵੀ ਕਰਦਾ ਏ
ਚੁੱਪ ਚੁੱਪ ਰਹਿੰਦਾ ਖੌਰੇ ਕੀ ਕਿਤਾਬਾਂ ਪੜ੍ਹਦਾ ਏ
ਬੈਠੀ ਵਾਹ ਲੈਣੀ ਆ ਅੱਖਾਂ ਨੂੰ ਜਾਂ ਨੱਕ ਉਹਦਾ
ਮੇਰੀ ਏਸ ਕਲਾ ਵਿੱਚ ਪੂਰਾ ਪੂਰਾ ਹੱਥ ਉਹਦਾ
ਮੈਂ ਕਰਾਂ ਉਡੀਕ ਕਿਤੇ ਉਹ ਹਾਲ ਚਾਲ ਹੀ ਪੁੱਛ ਜਾਵੇ
ਜਦੋਂ ਉਹ ਵੇੰਹਦਾ ਮੇਰਾ ਆਉਂਦਾ ਸਾਹ ਵੀ ਰੁੱਕ ਜਾਵੇ

ਕਰਾਂ ਕੀ ਸ਼ੀਸ਼ਾ ਵੇਖੇ ਮੈਨੂੰ ਮੈਂ ਉਹਨੂੰ ਵੇਖਾਂ
ਉਹਦਿਆਂ ਹੱਥਾਂ ਤੀਕਰ ਰਹਿ ਗਈ ਮੈਂ ਕਿੰਝ ਮੂੰਹ ਵੇਖਾਂ
ਉਹ ਸਾਂਭਣ ਜੋਗਾ ਉਹਨੇ ਸਾਂਭ ਲੈਣਾ ਕੱਚ ਵਰਗੀ ਨੂੰ
ਭਾਂਵੇ ਬੋਲੇ ਨਾ ਮੈਂ ਪੜ੍ਹਦੀ ਆ ਹਮਦਰਦੀ ਨੂੰ
ਲੰਘਦਾ ਹੱਸਦਾ ਏ ਮੇਰੇ ਬਾਪੂ ਵਾਂਗੂੰ ਖੁਸ਼ ਜਾਵੇ
ਜਦੋਂ ਉਹ ਵੇੰਹਦਾ ਮੇਰਾ ਆਉਂਦਾ ਸਾਹ ਵੀ ਰੁੱਕ ਜਾਵੇ
ਜਦੋਂ ਉਹ ਵੇੰਹਦਾ ਮੇਰਾ ਆਉਂਦਾ ਸਾਹ ਵੀ ਰੁੱਕ ਜਾਵੇ

ਉਹ ਸੈਲਫੀ ਖਿੱਚ ਲੈਂਦਾ ਏ ਜਦ ਵੀ ਚੜ੍ਹੇ ਟਰੈਕਟਰ ਤੇ
ਮੈਂ ਸੁੱਖਾਂ ਸੁੱਖਦੀ ਆ ਕਿਤੇ ਨਜ਼ਰ ਲੱਗਜੇ ਐਕਟਰ ਦੇ
ਉਹ ਖ਼ੇਤੋਂ ਘਰ ਨੂੰ ਜਾਂਦਾ ਜਾਂਦਾ ਗੇੜਾ ਕੱਢਦਾ ਏ
ਸੱਚੀਂ ਕੰਮਕਾਰ ‘ਚ ਰੁੱਝਿਆ ਹੋਰ ਵੀ ਸੋਹਣਾ ਲੱਗਦਾ ਏ
ਨੀ ਨਿਰਵੈਰ ਵਿਹੜੇ ਵਿੱਚ ਸਿਹਰੇ ਲਾ ਕੇ ਢੁੱਕ ਜਾਵੇ
ਜਦੋਂ ਉਹ ਵੇੰਹਦਾ ਮੇਰਾ ਆਉਂਦਾ ਸਾਹ ਵੀ ਰੁੱਕ ਜਾਵੇ
ਜਦੋਂ ਉਹ ਵੇੰਹਦਾ ਮੇਰਾ ਆਉਂਦਾ ਸਾਹ ਵੀ ਰੁੱਕ ਜਾਵੇ
ਮੈਂ ਉਹਨੂੰ ਕੀ ਆਖਾਂ ਉਹ ਬੱਦਲਾਂ ਓਹਲੇ ਛੁੱਪ ਜਾਵੇ
ਜਦੋਂ ਉਹ ਵੇੰਹਦਾ ਮੇਰਾ ਆਉਂਦਾ ਸਾਹ ਵੀ ਰੁੱਕ ਜਾਵੇ