ਮੈਂ ਕਿਹਾ ਯਾਰੀਆਂ ’ਚ ਜੱਟਾ ਤੇਰੀ ਮੇਰੀ ਦਾ ਨੀਂ ਹੁੰਦਾ..
ਜੜ੍ਹਾਂ ਪੱਕੀ ਆਲੇ ਆਂ ਸਾਨੂੰ ਨ੍ਹੇਰੀ ਦਾ ਨੀਂ ਹੁੰਦਾ..
ਸੁੱਤਾ ਪਿਆ ਸ਼ੇਰ ਕਦੀ ਛੇੜੀ ਦਾ ਨੀਂ ਹੁੰਦਾ..
ਕੱਲਾ ਦੇਖ ਕੇ ਬਗਾਨਾ ਪੁੱਤ ਘੇਰੀ ਦਾ ਨੀਂ ਹੁੰਦਾ..

ਪੰਜ ਸੱਤ ਚੀਜ਼ਾਂ ਹੋਣ.. ਬੀਕਾਨੇਰੀ ਪਹਿਲੀ ਹੋਵੇ..
ਦੂਜੀ ਹੋਵੇ ਬੰਦੇ ਖਾਣੀ.. ਤੋਰ ਜਿਵੇਂ ਵੈਲੀ ਹੋਵੇ..
ਤੀਜਾ ਚੱਲੇ ਨਾਮ ਪੂਰਾ.. ਗੱਲ ਸਾਰੇ ਫ਼ੈਲੀ ਹੋਵੇ..
ਆਵਾ ਪਿੰਡੋਂ ਏਦਾਂ ਲੱਗੇ.. ਬੀਬਾ ਜਿਵੇਂ ਰੈਲੀ ਹੋਵੇ..

ਕਦੇ ਟਾਇਮ ਸੀ ਕਹਿੰਦੀ ਸੀ ਕੀ ਆ ਪੱਲੇ ਪੱਲੇ ਜੱਟਾ..
ਕਹਿੰਦੀ ਦੇਖ ਕੇ ਫ਼ੇਰਾਰੀ ਕਿੱਥੇ ਚੱਲੇ ਕੱਲੇ ਜੱਟਾ..
ਜਿੰਨੇ ਓਪਨਰ ਨੇ ਸਾਰੇ ਵੇ ਤੇਰੇ ਥੱਲੇ ਥੱਲੇ ਜੱਟਾ..
ਨੱਢੀ ਦੇਖ ਕੇ ਚੜ੍ਹਾਈ ਕਹਿੰਦੀ ਬੱਲੇ ਬੱਲੇ ਜੱਟਾ..

ਪੰਜ ਸੱਤ ਚੀਜ਼ਾਂ ਹੋਣ.. ਪਹਿਲੀ ਕਾਲੀ ਘੋੜੀ ਹੋਵੇ..
ਦੂਜੀ ਬੀਬਾ ਫ਼ਾਰਮ ਤੇ.. ਚੀਨਿਆਂ ਦੀ ਜੋੜੀ ਹੋਵੇ..
ਤੀਜੀ ਹੋਵੇ ਅਣਖ ਵੀ.. ਮਾਇਆ ਚਾਹੇ ਥੋੜ੍ਹੀ ਹੋਵੇ..
ਚੜ੍ਹ ਕੇ ਆਏ ਨੂੰ ਭਾਜੀ.. ਦੂਣੀ ਕਰ ਮੋੜੀ ਹੋਵੇ..

ਸਾਡੇ ਜਿਗਰੇ ਨੂੰ ਦੇਖੀ ਬੀਬਾ ਮੱਤਾਂ ਨੂੰ ਨਾ ਦੇਖੀਂ..
ਟੱਕਾਂ ਨੂੰ ਨਾ ਦੇਖੀਂ ਏਨਾ ਸੱਟਾਂ ਨੂੰ ਨਾ ਦੇਖੀਂ..
ਜ਼ੋਰ ਗਾਡਰਾਂ ‘ਚ ਹੁੰਦਾ ਬੀਬਾ ਛੱਤਾਂ ਨੂੰ ਨਾ ਦੇਖੀਂ..
ਸਿਰ ਘੁੰਮਜੂ ਰਕਾਣੇ ਏਨਾ ਅੱਖਾਂ ਨੂੰ ਨਾ ਦੇਖੀਂ..

ਪੰਜ ਸੱਤ ਚੀਜ਼ਾਂ ਹੋਣ.. ਪਹਿਲੀ ਯਾਰੀ ਪੱਕੀ ਹੋਵੇ..
ਦੂਜਾ ਪਾਇਆ ਕੁੜਤਾ.. ਤੇ ਜੀਪ ਥੱਲੇ ਰੱਖੀ ਹੋਵੇ..
ਤੀਜੀ ਹੋਵੀ ਓਟ ਓਹਦੀ.. ਐਨਾ ਮੁੰਡਾ ਲੱਕੀ ਹੋਵੇ..
ਲੱਤਾਂ ਖਿੱਚ ਖਿੱਚ ਜਨਤਾ.. ਜ਼ੋਰ ਲਾ ਲਾ ਥੱਕੀ ਹੋਵੇ..

ਫੇਰ ਕੀ ਕਰੇਂਗੀ ਮਿਲੇ ਨਿੱਤ ਨੀਂ ਜੇ..
ਦੱਸ ਮੈਂ ਕੀ ਕਰਾਂ ਨੀਂ  ਲੱਗਾ ਚਿੱਤ ਨੀਂ ਜੇ..
ਮੇਰੇ ਸੋਹਣੀਏ ਡ੍ਰੀਮ ਕੁੱਝ ਹੋਰ ਇੱਥੇ..
ਜ਼ੋਰ ਬਾਹਾਂ ’ਚ ਚਾਹੀਦਾ ਜੰਗ ਜਿੱਤਣੀ ਜੇ ਜਿੱਤਣੀ ਜੇ..

ਪੰਜ ਸੱਤ ਚੀਜ਼ਾਂ.. ਪਹਿਲਾ ਐੱਲ.ਵੀ. ਦਾ ਲੀੜਾ ਹੋਵੇ..
ਦੂਜਾ ਕੁੱਝ ਕਰਨ ਦਾ.. ਅੰਦਰ ਕੋਈ ਕੀੜਾ ਹੋਵੇ..
ਤੀਜਾ ਹੋਵੇ ਯਾਰ ਐਸਾ.. ਜੇਬੋਂ ਚਾਹੇ ਭੀੜਾ ਹੋਵੇ..
ਜਿੱਥੇ ਆਖਾਂ ਅੜ ਜਾਵੇ.. ਸੱਚੀਂ ਏਨਾ ਝੀੜਾ ਹੋਵੇ..

ਮੇਰੇ ਕੁੜਤਾ ਹੋਵੇ ਤੇ ਤੇਰਾ ਬੂਟੀ ਆਲਾ ਸੂਟ..
ਚੇਤੇ ਕਰੀਂ ਫਿਰੇ ਤੂੰ ਘੁਰਾਲੇ ਆਲਾ ਰੂਟ..
ਮੈਂ ਕਿਹਾ ਮੇਰੇ ਨਾਲ ਚੱਲੀ ਜਦੋਂ ਜਾਵੇ ਗੇੜੀ ਰੂਟ..
ਦੇਖੀ ਡੇਢ ਮਿੰਟ ਵਿਚ ਵੱਜੂ ਡੇਢ ਸੌ ਸਲੂਟ.. ਮੈਂ ਕਿਹਾ..

ਪੰਜ ਸੱਤ ਚੀਜ਼ਾਂ ਹੋਣ.. ਪਹਿਲੀ ਬੇਬੇ ਖੁਸ਼ ਹੋਵੇ..
ਦੂਜੀ ਮੇਰੇ ਬਾਪੂ ਦੀ ਹਾਏ.. ਰੱਬ ਵੱਲਾਂ ਮੁੱਛ ਹੋਵੇ..
ਤੀਜਾ ਸਾਲਾ ਏਰੀਆ ’ਚ.. ਨਾਮ ਹੋਵੇ.. ਪੁੱਛ ਹੋਵੇ..
ਮੇਰੀ ਜਾਨ ਜਾਵੇ.. ਮੇਰੇ ਯਾਰਾਂ ਨੂੰ ਨਾ ਕੁਛ ਹੋਵੇ..

ਨੀਂ ਮੈਂ ਅੱਡੀਆਂ ਨਾਲ ਠਾਲਦਾ ਬਰੋਲਾ ਜਿੱਥੋਂ ਲੰਘਾ..
ਨੀਂ ਮੈਂ ਮਾੜਿਆਂ ਲਈ ਮਾੜਾ ਬੀਬਾ ਚੰਗਿਆਂ ਲਈ ਚੰਗਾ..
ਜਾਣੇ ਨੀਲੀ ਛੱਤ ਆਲਾ ਦੱਸ ਉਹਤੋਂ ਕਾਹਦਾ ਸੰਗਾਂ..
ਬੱਸ ਪੰਜ ਸੱਤ ਚੀਜ਼ਾਂ ਉਹਤੋਂ ਜ਼ਿਆਦਾ ਨਾ ਮੈਂ ਮੰਗਾਂ ਮੈਂ ਕਿਹਾ..

ਪੰਜ ਸੱਤ ਚੀਜ਼ਾਂ.. ਪਹਿਲਾਂ ਡਾਂਗ ਉੱਤੇ ਡੇਰਾ ਹੋਵੇ..
ਦੂਜੀ ਅੱਖ ਬਾਜ਼ ਆਲੀ.. ਸ਼ੇਰ ਜਿਹਾ ਜੇਰਾ ਹੋਵੇ..
ਤੀਜਾ ਏਡਾ ਵਿਹੜਾ ਹੋਵੇ.. ਕਿਲ੍ਹੇ ਜਿੱਡਾ ਘੇਰਾ ਹੋਵੇ..
ਪੰਜ ਸੱਤ ਚੀਜ਼ਾਂ ਹੋਣ.. ਹੋਰ ਨਾਂ ਬਥੇਰਾ ਹੋਵੇ..
ਪੰਜ ਸੱਤ ਚੀਜ਼ਾਂ ਹੋਣ..
ਪੰਜ ਸੱਤ ਚੀਜ਼ਾਂ ਹੋਣ..